शम्भु स्तुति

नमामि शम्भुं पुरुषं पुराणं
नमामि सर्वज्ञमपारभावम् ।
नमामि रुद्रं प्रभुमक्षयं तं
नमामि शर्वं शिरसा नमामि ॥१॥

नमामि देवं परमव्ययंतं
उमापतिं लोकगुरुं नमामि ।
नमामि दारिद्रविदारणं तं
नमामि रोगापहरं नमामि ॥२॥

नमामि कल्याणमचिन्त्यरूपं
नमामि विश्वोद्ध्वबीजरूपम् ।
नमामि विश्वस्थितिकारणं तं
नमामि संहारकरं नमामि ॥३॥

नमामि गौरीप्रियमव्ययं तं
नमामि नित्यंक्षरमक्षरं तम् ।
नमामि चिद्रूपममेयभावं
त्रिलोचनं तं शिरसा नमामि ॥४॥

नमामि कारुण्यकरं भवस्या
भयंकरं वापि सदा नमामि ।
नमामि दातारमभीप्सितानां
नमामि सोमेशमुमेशमादौ ॥५॥

नमामि वेदत्रयलोचनं तं
नमामि मूर्तित्रयवर्जितं तम् ।
नमामि पुण्यं सदसद्व्यातीतं
नमामि तं पापहरं नमामि ॥६॥

नमामि विश्वस्य हिते रतं तं
नमामि रूपापि बहुनि धत्ते ।
यो विश्वगोप्ता सदसत्प्रणेता
नमामि तं विश्वपतिं नमामि ॥७॥

यज्ञेश्वरं सम्प्रति हव्यकव्यं
तथागतिं लोकसदाशिवो यः ।
आराधितो यश्च ददाति सर्वं
नमामि दानप्रियमिष्टदेवम् ॥८॥

नमामि सोमेश्वरंस्वतन्त्रं
उमापतिं तं विजयं नमामि ।
नमामि विघ्नेश्वरनन्दिनाथं
पुत्रप्रियं तं शिरसा नमामि ॥९॥

नमामि देवं भवदुःखशोक
विनाशनं चन्द्रधरं नमामि ।
नमामि गंगाधरमीशमीड्यं
उमाधवं देववरं नमामि ॥१०॥

नमाम्यजादीशपुरन्दरादि
सुरासुरैरर्चितपादपद्मम् ।
नमामि देवीमुखवादनानां
ईक्षार्थमक्षित्रितयं य ऐच्छत् ॥११॥

पंचामृतैर्गन्धसुधूपदीपैः
विचित्रपुष्पैर्विविधैश्च मन्त्रैः ।
अन्नप्रकारैः सकलोपचारैः
सम्पूजितं सोममहं नमामि ॥१२॥

॥ इति श्री ब्रह्म महापुराणे शम्भुस्तुतिः सम्पूर्णा ॥

Shambhu Stuti

namāmi śambhuṁ puruṣaṁ purāṇaṁ
namāmi sarvajñamapārabhāvam।
namāmi rudraṁ prabhumakṣayaṁ taṁ
namāmi śarvaṁ śirasā namāmi॥1॥

namāmi devaṁ paramavyayaṁtaṁ
umāpatiṁ lokaguruṁ namāmi।
namāmi dāridravidāraṇaṁ taṁ
namāmi rogāpaharaṁ namāmi॥2॥

namāmi kalyāṇamacintyarūpaṁ
namāmi viśvoddbhavījarūpam।
namāmi viśvasthitikāraṇaṁ taṁ
namāmi saṁhārakaraṁ namāmi॥3॥

namāmi gaurīpriyamavyayaṁ taṁ
namāmi nityaṁkṣaramakṣaraṁ tam।
namāmi chidrūpamameyabhāvaṁ
trilochanaṁ taṁ shirasā namāmi॥4॥

namāmi kāruṇyakaraṁ bhavasyā
bhayaṁkaraṁ vāpi sadā namāmi।
namāmi dātāramabhīpsitānāṁ
namāmi somēśamumēśamādau॥5॥

namāmi vēdatrayalōcanaṁ taṁ
namāmi mūrtitrayavarjitam tam।
namāmi puṇyaṁ sadasadvyātītaṁ
namāmi taṁ pāpaharaṁ namāmi॥6॥

namāmi viśvasya hitē ratam taṁ
namāmi rūpāpi bahunidhatte।
yo viśvagōptā sadasatpraṇētā
namāmi taṁ viśvapatim namāmi॥7॥

yajñēśvaraṁ samprati havyakavyam
tathāgatiṁ lokasadāśivō yaḥ।
ārādhitō yaśca dadāti sarvaṁ
namāmi dānapriyamiṣṭadēvam॥8॥

namāmi sōmēśvaraṁ svatantraṁ
umāpatiṁ taṁ vijayaṁ namāmi।
namāmi vignēśvaranandināthaṁ
putrapriyaṁ taṁ shirasā namāmi॥9॥

namāmi dēvaṁ bhavaduḥkhaśōka
vināśanaṁ chandradharaṁ namāmi।
namāmi gaṅgādharamīśamīḍyaṁ
umādhavaṁ dēvavaraṁ namāmi॥10॥

namāmyajādīśapurandarādi
surāsurairarcitapādapadmam।
namāmi dēvīmukhavādanānāṁ
īkṣārthamakṣitritayaṁ ya aicchat॥11॥

paṁcāmr̥tairgandhasudhūpadīpaiḥ
vicitrapuṣpairvidhaishca mantraiḥ।
annaprakāraiḥ sakalōpacāraiḥ
sampūjitaṁ sōmamahaṁ namāmi॥12॥

॥ iti śrī brahma mahāpurāṇē śambhustutiḥ sampūrṇā ॥