శ్రీ పంచాయుధ స్తోత్రం – Sri Panchayudha Stotram of Shriman Narayan in telugu

Download “Sri Panchayudha Stotram of Shriman Narayan in telugu PDF” sri-panchayudha-stotram-of-shriman-narayan-in-telugu.pdf – Downloaded 634 times – 222.02 KB

हिंदी ❈ English ❈ ਪੰਜਾਬੀ (Punjabi) ❈  বাংলা (Bangla) ❈ ગુજરાતી (Gujarati) ❈  ಕನ್ನಡ (Malayalam) ❈  ಕನ್ನಡ (Kannada) ❈   தமிழ் (Tamil) ❈ తెలుగు (Telugu) ❈

శ్రీ పంచాయుధ స్తోత్రం

స్ఫురత్సహస్రారశిఖాతితీవ్రం
సుదర్శనం భాస్కరకోటితుల్యమ్ ।
సురద్విషాం ప్రాణవినాశి విష్ణోః
చక్రం సదాఽహం శరణం ప్రపద్యే ॥ 1 ॥

విష్ణోర్ముఖోత్థానిలపూరితస్య
యస్య ధ్వనిర్దానవదర్పహంతా ।
తం పాంచజన్యం శశికోటిశుభ్రం
శంఖం సదాఽహం శరణం ప్రపద్యే ॥ 2 ॥

హిరణ్మయీం మేరుసమానసారాం
కౌమోదకీం దైత్యకులైకహంత్రీమ్ ।
వైకుంఠవామాగ్రకరాగ్రమృష్టాం
గదాం సదాఽహం శరణం ప్రపద్యే ॥ 3 ॥

యజ్జ్యానినాదశ్రవణాత్సురాణాం
చేతాంసి నిర్ముక్తభయాని సద్యః ।
భవంతి దైత్యాశనిబాణవర్షైః
శారంగం సదాఽహం శరణం ప్రపద్యే ॥ 4 ॥

రక్షోఽసురాణాం కఠినోగ్రకంఠ-
-చ్ఛేదక్షరత్‍క్షోణిత దిగ్ధసారమ్ ।
తం నందకం నామ హరేః ప్రదీప్తం
ఖడ్గం సదాఽహం శరణం ప్రపద్యే ॥ 5 ॥

ఇమం హరేః పంచమహాయుధానాం
స్తవం పఠేద్యోఽనుదినం ప్రభాతే ।
సమస్త దుఃఖాని భయాని సద్యః
పాపాని నశ్యంతి సుఖాని సంతి ॥ 6 ॥

వనే రణే శత్రు జలాగ్నిమధ్యే
యదృచ్ఛయాపత్సు మహాభయేషు ।
పఠేత్విదం స్తోత్రమనాకులాత్మా
సుఖీభవేత్తత్కృత సర్వరక్షః ॥ 7 ॥

యచ్చక్రశంఖం గదఖడ్గశారంగిణం
పీతాంబరం కౌస్తుభవత్సలాంఛితమ్ ।
శ్రియాసమేతోజ్జ్వలశోభితాంగం
విష్ణుం సదాఽహం శరణం ప్రపద్యే ॥

జలే రక్షతు వారాహః స్థలే రక్షతు వామనః ।
అటవ్యాం నారసింహశ్చ సర్వతః పాతు కేశవః ॥

ఇతి పంచాయుధ స్తోత్రమ్ ॥