- हिंदी / संस्कृत
- English
छंद:
भए प्रगट कृपाला दीनदयाला,
कौसल्या हितकारी ।
हरषित महतारी, मुनि मन हारी,
अद्भुत रूप बिचारी ॥
लोचन अभिरामा, तनु घनस्यामा,
निज आयुध भुजचारी ।
भूषन बनमाला, नयन बिसाला,
सोभासिंधु खरारी ॥
कह दुइ कर जोरी, अस्तुति तोरी,
केहि बिधि करूं अनंता ।
माया गुन ग्यानातीत अमाना,
वेद पुरान भनंता ॥
करुना सुख सागर, सब गुन आगर,
जेहि गावहिं श्रुति संता ।
सो मम हित लागी, जन अनुरागी,
भयउ प्रगट श्रीकंता ॥
ब्रह्मांड निकाया, निर्मित माया,
रोम रोम प्रति बेद कहै ।
मम उर सो बासी, यह उपहासी,
सुनत धीर मति थिर न रहै ॥
उपजा जब ग्याना, प्रभु मुसुकाना,
चरित बहुत बिधि कीन्ह चहै ।
कहि कथा सुहाई, मातु बुझाई,
जेहि प्रकार सुत प्रेम लहै ॥
माता पुनि बोली, सो मति डोली,
तजहु तात यह रूपा ।
कीजै सिसुलीला, अति प्रियसीला,
यह सुख परम अनूपा ॥
सुनि बचन सुजाना, रोदन ठाना,
होइ बालक सुरभूपा ।
यह चरित जे गावहिं, हरिपद पावहिं,
ते न परहिं भवकूपा ॥
दोहा:
बिप्र धेनु सुर संत हित,
लीन्ह मनुज अवतार ।
निज इच्छा निर्मित तनु,
माया गुन गो पार ॥
- रामचरित मानस, बालकाण्ड (तुलसीदास)
Chhand:
Bhae pragat kripala deendayala,
Kausalya hitakaari॥
Harshit mahataari, muni man haari,
Adbhut roop bichaari॥
Lochan abhirama, tanu ghanasyaama,
Nij aayudh bhujachaari॥
Bhushan banamaala, nayan bisaala,
Sobhaasindhu kharaari॥
Kah dui kar jori, astuti tori,
Kehi bidhi karoon ananta॥
Maya gun gyaanateet amana,
Ved puraan bhananta॥
Karuna sukh saagar, sab gun aagar,
Jehi gaavahin shruti santa॥
So mam hit laagi, jan anuraagi,
Bhayau pragat shrikantha॥
Brahmaand nikaaya, nirmite maaya,
Rom rom prati ved kahai॥
Mam ur so baasi, yah upahaasi,
Sunat dheer mati thir na rahai॥
Upajaa jab gyaana, prabhu musukaana,
Charit bahut bidhi keenh chahai॥
Kahi katha suhaai, maatu bujhaai,
Jehi prakaar sut prem lahai॥
Maataa puni bolee, so mati dollee,
Tajahu taat yah roopaa॥
Keejai sisuleela, ati priyaseela,
Yah sukh param anoopaa॥
Suni bachan sujaana, rodan thaanhaa,
Hoi baalak surabhoopaa॥
Yah charit je gaavahin, haripad paavahin,
Te na parahin bhavakoopaa॥
Doha:
Bipra dhenu sura sant hit,
Leenhu manuj avataar॥
Nij ichhaa nirmite tanu,
Maya gun go paar॥
— Raamcharit maanas, Baalakand (Tulsidas)
शायद ये आपको पसंद आ सकते हैं::
श्री राम जानकी बैठे हैं मेरे सीने में – भजन (Shri Ram Janki Baithe Hain Mere Seene Me Bhajan lyrics)
राम को देख कर श्री जनक नंदिनी – भजन (Ram Ko Dekh Kar Sri Janak Nandini bhajan lyrics)
श्री राम स्तुति (Shri Ram Stuti lyrics)
आरती: श्री रामायण जी (Shri Ramayan Ji arati, kirti kalit lalti siy pee ki lyrics)
आरती: श्री रामचन्द्र जी (Shri Ramchandra Ji: Arati kije Ramchandra ji ki lyrics)
श्री जानकीनाथ जी की आरती (Shri Jankinatha Ji Ki Aarti lyrics: Om Jai Janakinatha)
रघुवर श्री रामचन्द्र जी आरती (Raghuvar Shri Ramchandra Ji Arati lyrics: arati kije Shri Raghuvar ji ki)
श्री गणेश आरती (Shri Ganesh Aarti lyrics)