Ganesh Ashtakam in bengali with PDF also - ChalisaPDF.net - PDF for Chalisa,Bhajan,Kirtan,Mantra

গণেশ অষ্টকম্

সর্বে উচুঃ ।
যতোঽনংতশক্তেরনংতাশ্চ জীবা
যতো নির্গুণাদপ্রমেযা গুণাস্তে ।
যতো ভাতি সর্বং ত্রিধা ভেদভিন্নং
সদা তং গণেশং নমামো ভজামঃ ॥ 1 ॥

যতশ্চাবিরাসীজ্জগত্সর্বমেত-
-ত্তথাব্জাসনো বিশ্বগো বিশ্বগোপ্তা ।
তথেংদ্রাদযো দেবসংঘা মনুষ্যাঃ
সদা তং গণেশং নমামো ভজামঃ ॥ 2 ॥

যতো বহ্নিভানূ ভবো ভূর্জলং চ
যতঃ সাগরাশ্চংদ্রমা ব্যোম বাযুঃ ।
যতঃ স্থাবরা জংগমা বৃক্ষসংঘাঃ
সদা তং গণেশং নমামো ভজামঃ ॥ 3 ॥

যতো দানবাঃ কিন্নরা যক্ষসংঘা
যতশ্চারণা বারণাঃ শ্বাপদাশ্চ ।
যতঃ পক্ষিকীটা যতো বীরুধশ্চ
সদা তং গণেশং নমামো ভজামঃ ॥ 4 ॥

যতো বুদ্ধিরজ্ঞাননাশো মুমুক্ষো-
-র্যতঃ সংপদো ভক্তসংতোষদাঃ স্যুঃ ।
যতো বিঘ্ননাশো যতঃ কার্যসিদ্ধিঃ
সদা তং গণেশং নমামো ভজামঃ ॥ 5 ॥

যতঃ পুত্রসংপদ্যতো বাংছিতার্থো
যতোঽভক্তবিঘ্নাস্তথাঽনেকরূপাঃ ।
যতঃ শোকমোহৌ যতঃ কাম এব
সদা তং গণেশং নমামো ভজামঃ ॥ 6 ॥

যতোঽনংতশক্তিঃ স শেষো বভূব
ধরাধারণেঽনেকরূপে চ শক্তঃ ।
যতোঽনেকধা স্বর্গলোকা হি নানা
সদা তং গণেশং নমামো ভজামঃ ॥ 7 ॥

যতো বেদবাচো বিকুংঠা মনোভিঃ
সদা নেতি নেতীতি যত্তা গৃণংতি ।
পরব্রহ্মরূপং চিদানংদভূতং
সদা তং গণেশং নমামো ভজামঃ ॥ 8 ॥

শ্রীগণেশ উবাচ ।
পুনরূচে গণাধীশঃ স্তোত্রমেতত্পঠেন্নরঃ ।
ত্রিসংধ্যং ত্রিদিনং তস্য সর্বকার্যং ভবিষ্যতি ॥ 9 ॥

যো জপেদষ্টদিবসং শ্লোকাষ্টকমিদং শুভম্ ।
অষ্টবারং চতুর্থ্যাং তু সোঽষ্টসিদ্ধীরবাপ্নুযাত্ ॥ 10 ॥

যঃ পঠেন্মাসমাত্রং তু দশবারং দিনে দিনে ।
স মোচযেদ্বংধগতং রাজবধ্যং ন সংশযঃ ॥ 11 ॥

বিদ্যাকামো লভেদ্বিদ্যাং পুত্রার্থী পুত্রমাপ্নুযাত্ ।
বাংছিতাঁল্লভতে সর্বানেকবিংশতিবারতঃ ॥ 12 ॥

যো জপেত্পরযা ভক্ত্যা গজাননপরো নরঃ ।
এবমুক্ত্বা ততো দেবশ্চাংতর্ধানং গতঃ প্রভুঃ ॥ 13 ॥

ইতি শ্রীগণেশপুরাণে উপাসনাখংডে শ্রীগণেশাষ্টকম্ ।