- हिंदी / संस्कृत
- English
॥ श्री गुरु पादुका स्तोत्रम् ॥
अनंत-संसार समुद्र-तार नौकायिताभ्यां गुरुभक्तिदाभ्याम् ।
वैराग्य साम्राज्यद पूजनाभ्यां नमो नमः श्रीगुरुपादुकाभ्याम् ॥1॥
कवित्व वाराशिनिशाकराभ्यां दौर्भाग्यदावांबुदमालिकाभ्याम् ।
दूरिकृतानम्र विपत्ततिभ्यां नमो नमः श्रीगुरुपादुकाभ्याम् ॥2॥
नता ययोः श्रीपतितां समीयुः कदाचिद-प्याशु दरिद्रवर्याः ।
मूकाश्च वाचस्पतितां हि ताभ्यां नमो नमः श्रीगुरुपादुकाभ्याम् ॥3॥
नालीकनीकाश पदाहृताभ्यां नानाविमोहादि-निवारिकाभ्यां ।
नमज्जनाभीष्टततिप्रदाभ्यां नमो नमः श्रीगुरुपादुकाभ्याम् ॥4॥
नृपालि मौलिव्रजरत्नकांति सरिद्विराजत् झषकन्यकाभ्यां ।
नृपत्वदाभ्यां नतलोक पंक्ते: नमो नमः श्रीगुरुपादुकाभ्याम् ॥5॥
पापांधकारार्क परंपराभ्यां तापत्रयाहींद्र खगेश्र्वराभ्यां ।
जाड्याब्धि संशोषण वाडवाभ्यां नमो नमः श्रीगुरुपादुकाभ्याम् ॥6॥
शमादिषट्क प्रदवैभवाभ्यां समाधिदान व्रतदीक्षिताभ्यां ।
रमाधवांध्रिस्थिरभक्तिदाभ्यां नमो नमः श्रीगुरुपादुकाभ्याम् ॥7॥
स्वार्चापराणां अखिलेष्टदाभ्यां स्वाहासहायाक्षधुरंधराभ्यां ।
स्वांताच्छभावप्रदपूजनाभ्यां नमो नमः श्रीगुरुपादुकाभ्याम् ॥8॥
कामादिसर्प व्रजगारुडाभ्यां विवेकवैराग्य निधिप्रदाभ्यां ।
बोधप्रदाभ्यां दृतमोक्षदाभ्यां नमो नमः श्रीगुरुपादुकाभ्याम् ॥9॥
Guru Paduka Stotram
Ananta-saṁsāra samudra-tāra naukāyitābhyāṁ guru-bhaktidābhyām।
Vairāgya sāmrājyada pūjanābhyāṁ namo namaḥ śrīgurupādukābhyām ||1||
Kavitva vārāśiniśākarābhyāṁ daurbhāgyadāvāṁbudamālikābhyāṁ।
Dūrikṛtānamra vipattatibhyāṁ namo namaḥ śrīgurupādukābhyām ||2||
Natā yayoḥ śrīpatitāṁ samīyuḥ kadācid-pyāśu daridravaryāḥ।
Mūkāśca vācaspatitāṁ hi tābhyāṁ namo namaḥ śrīgurupādukābhyām ||3||
Nālīkanīkāśa padāhṛtābhyāṁ nānāvimohādi-nivārikābhyāṁ।
Namajjanābhīṣṭatipradābhyāṁ namo namaḥ śrīgurupādukābhyām ||4||
Nṛpāli maulivr̥jaratnakānti saridvirājat jhaṣakanyakābhyāṁ।
Nṛpatvadābhyāṁ nataloka paṁkteḥ namo namaḥ śrīgurupādukābhyām ||5||
Pāpāndhakārārka paraṁparābhyāṁ tāpatrayāhīṁdra khageśvarābhyāṁ।
Jāḍyābdhi saṁśoṣaṇa vāḍavābhyāṁ namo namaḥ śrīgurupādukābhyām ||6||
Śamādiṣaṭka pradavaibhavābhyāṁ samādhidāna vratadīkṣitābhyāṁ।
Ramādhavāṁdhristhirabhaktidābhyāṁ namo namaḥ śrīgurupādukābhyām ||7||
Swārcāparāṇāṁ akhileṣṭadābhyāṁ swāhāsahāyākṣadhuraṁdharābhyāṁ।
Swāntācchabhāvapradapūjanābhyāṁ namo namaḥ śrīgurupādukābhyām ||8||
Kāmādisarpa vrajagāruḍābhyāṁ vivekavairāgya nidhipradābhyāṁ।
Bodhapradābhyāṁ dṛtamokṣadābhyāṁ namo namaḥ śrīgurupādukābhyām ||9||
शायद ये आपको पसंद आ सकते हैं::
श्री गुरु स्तोत्रम् (गुरु वंदनम्) – Sri Guru Stotram (Guru Vandana)
श्री गुरु अष्टकम (Shri Guru Ashtakam)
गुरु नानक आरती: धनासरी महला (Guru Nanak Aarti: dhanasari mahala lyrics)
गुरुदेव आरती – श्री नंगली निवासी सतगुरु (Guru Aarti – Shri Nangli Niwasi Satguru – Arati Shree Gurudev ji ki gaun lyrics)
ऋण मोचक मङ्गल स्तोत्रम् (Rin Mochan Mangal Stotram)
नाग स्तोत्रम् (Naag Sarpa Stotram)
दारिद्र्य दहन शिव स्तोत्रम् (Daridraya Dahana Shiv Stotram)
श्री महासरस्वती सहस्रनाम स्तोत्रम् (Maha Sarasvati Sahastra Stotram)