लक्ष्मी स्तोत्र

Download “Lakshmi Stotram PDF” lakshmi-stotram.pdf – Downloaded 730 times – 326.53 KB

हिंदी / संस्कृत
English

इन्द्र उवाच
ऊँ नम: कमलवासिन्यै नारायण्यै नमो नम: ।
कृष्णप्रियायै सारायै पद्मायै च नमो नम: ॥1॥

पद्मपत्रेक्षणायै च पद्मास्यायै नमो नम: ।
पद्मासनायै पद्मिन्यै वैष्णव्यै च नमो नम: ॥2॥

सर्वसम्पत्स्वरूपायै सर्वदात्र्यै नमो नम: ।
सुखदायै मोक्षदायै सिद्धिदायै नमो नम: ॥3॥

हरिभक्तिप्रदात्र्यै च हर्षदात्र्यै नमो नम: ।
कृष्णवक्ष:स्थितायै च कृष्णेशायै नमो नम: ॥4॥

कृष्णशोभास्वरूपायै रत्नपद्मे च शोभने ।
सम्पत्त्यधिष्ठातृदेव्यै महादेव्यै नमो नम: ॥5॥

शस्याधिष्ठातृदेव्यै च शस्यायै च नमो नम: ।
नमो बुद्धिस्वरूपायै बुद्धिदायै नमो नम: ॥6॥

वैकुण्ठे या महालक्ष्मीर्लक्ष्मी: क्षीरोदसागरे ।
स्वर्गलक्ष्मीरिन्द्रगेहे राजलक्ष्मीर्नृपालये ॥7॥
गृहलक्ष्मीश्च गृहिणां गेहे च गृहदेवता ।
सुरभी सा गवां माता दक्षिणा यज्ञकामिनी ॥8॥

अदितिर्देवमाता त्वं कमला कमलालये ।
स्वाहा त्वं च हविर्दाने कव्यदाने स्वधा स्मृता ॥9॥

त्वं हि विष्णुस्वरूपा च सर्वाधारा वसुन्धरा ।
शुद्धसत्त्वस्वरूपा त्वं नारायणपरायणा ॥10॥

क्रोधहिंसावर्जिता च वरदा च शुभानना ।
परमार्थप्रदा त्वं च हरिदास्यप्रदा परा ॥11॥

यया विना जगत् सर्वं भस्मीभूतमसारकम् ।
जीवन्मृतं च विश्वं च शवतुल्यं यया विना ॥12॥

सर्वेषां च परा त्वं हि सर्वबान्धवरूपिणी ।
यया विना न सम्भाष्यो बान्धवैर्बान्धव: सदा ॥13॥

त्वया हीनो बन्धुहीनस्त्वया युक्त: सबान्धव: ।
धर्मार्थकाममोक्षाणां त्वं च कारणरूपिणी ॥14॥

यथा माता स्तनन्धानां शिशूनां शैशवे सदा ।
तथा त्वं सर्वदा माता सर्वेषां सर्वरूपत: ॥15॥

मातृहीन: स्तनत्यक्त: स चेज्जीवति दैवत: ।
त्वया हीनो जन: कोsपि न जीवत्येव निश्चितम् ॥16॥

सुप्रसन्नस्वरूपा त्वं मां प्रसन्ना भवाम्बिके ।
वैरिग्रस्तं च विषयं देहि मह्यं सनातनि ॥17॥

वयं यावत् त्वया हीना बन्धुहीनाश्च भिक्षुका: ।
सर्वसम्पद्विहीनाश्च तावदेव हरिप्रिये ॥18॥

राज्यं देहि श्रियं देहि बलं देहि सुरेश्वरि ।
कीर्तिं देहि धनं देहि यशो मह्यं च देहि वै ॥19॥

कामं देहि मतिं देहि भोगान् देहि हरिप्रिये ।
ज्ञानं देहि च धर्मं च सर्वसौभाग्यमीप्सितम् ॥20॥

प्रभावं च प्रतापं च सर्वाधिकारमेव च ।
जयं पराक्रमं युद्धे परमैश्वर्यमेव च ॥21॥

फलश्रुति:
इदं स्तोत्रं महापुण्यं त्रिसंध्यं य: पठेन्नर: ।
कुबेरतुल्य: स भवेद् राजराजेश्वरो महान् ॥
सिद्धस्तोत्रं यदि पठेत् सोsपि कल्पतरुर्नर: ।
पंचलक्षजपेनैव स्तोत्रसिद्धिर्भवेन्नृणाम् ॥
सिद्धिस्तोत्रं यदि पठेन्मासमेकं च संयत: ।
महासुखी च राजेन्द्रो भविष्यति न संशय: ॥

॥ इति श्री ब्रह्मवैवर्त महापुराणे इन्द्र कृतं लक्ष्मी स्तोत्रं सम्पूर्णम् ॥

Lakshmi Stotram

indra uvāca
oṁ namaḥ kamalavāsinyai nārāyaṇyai namo namaḥ।
kṛṣṇapriyāyai sārāyai padmāyai ca namo namaḥ॥1॥

padmapatrekṣaṇāyai ca padmāsyāyai namo namaḥ।
padmāsanāyai padminyai vaiṣṇavyai ca namo namaḥ॥2॥

sarvasampatsvarūpāyai sarvadātryai namo namaḥ।
sukhadāyai mokṣhadāyai siddhidāyai namo namaḥ॥3॥

haribhaktipradātryai ca harṣhadātryai namo namaḥ।
kṛṣṇavakṣaḥsthitāyai ca kṛṣṇeśāyai namo namaḥ॥4॥

kṛṣṇaśobhāsvarūpāyai ratnapadme ca śobhane।
sampattyadhiṣṭhātr̥dēvyai mahādēvyai namo namaḥ॥5॥

śasyādhiṣṭhātr̥dēvyai ca śasyāyai ca namo namaḥ।
namo buddhisvarūpāyai buddhidāyai namo namaḥ॥6॥

vaikuṇṭhe yā mahālakṣmīr̥lakṣmīḥ kṣīrodasāgare।
svargalakṣmīrindragehe rājalakṣmīrnṛpālaye॥7॥

gṛhalakṣmīśca gṛhiṇāṁ gehe ca gṛhadevatā।
surabhī sā gavāṁ mātā dakṣiṇā yajñakāminī॥8॥

aditirdevamātā tvaṁ kamalā kamalālaye।
svāhā tvaṁ ca havidāne kavyadāne svadhā smr̥tā॥9॥

tvaṁ hi viṣṇusvarūpā ca sarvādhārā vasundharā।
śuddhasattvasvarūpā tvaṁ nārāyaṇaparāyaṇā॥10॥

krodhahiṁsāvarjitā ca varadā ca śubhānanā।
paramārthapradā tvaṁ ca haridāsyapradā parā॥11॥

yayā vinā jagat sarvaṁ bhasmībhūtamasārakam।
jīvanmṛtaṁ ca viśvaṁ ca śavatulyaṁ yayā vinā॥12॥

sarveṣāṁ ca parā tvaṁ hi sarvabāndhavarūpiṇī।
yayā vinā na sambhāṣyo bāndhavairbāndhavaḥ sadā॥13॥

tvayā hīno bandhuhīnastvayā yuktaḥ sabāndhavaḥ।
dharmārthakāmamokṣāṇāṁ tvaṁ ca kāraṇarūpiṇī॥14॥

yathā mātā stanandhānāṁ śiśūnāṁ śaiśave sadā।
tathā tvaṁ sarvadā mātā sarveṣāṁ sarvarūpataḥ॥15॥

mātṛhīnaḥ stanatyaktaḥ sa cejjīvati daivataḥ।
tvayā hīno janaḥ ko’spi na jīvatyeva niścitam॥16॥

suprasannasvarūpā tvaṁ māṁ prasannā bhavāmbike।
vairigrastaṁ ca viṣayaṁ dehi mahyaṁ sanātani॥17॥

vayaṁ yāvat tvayā hīnā bandhuhīnāśca bhikṣukaḥ।
sarvasampadvihīnāśca tāvadeva haripriye॥18॥

rājyaṁ dehi śriyaṁ dehi balaṁ dehi sureśvari।
kīrtiṁ dehi dhanam dehi yaśo meyaṁ ca dehi vai॥19॥

kāmaṁ dehi matiṁ dehi bhogān dehi haripriye।
jñānaṁ dehi ca dharmaṁ ca sarvasaubhāgyamīpsitam॥20॥

prabhāvaṁ ca pratāpaṁ ca sarvādhikārameva ca।
jayaṁ parākramaṁ yuddhe paramaiśvaryameva ca॥21॥

phalaśruti:
idaṁ stotraṁ mahāpuṇyaṁ trisaṁdhyaṁ yaḥ paṭhennaraḥ।
kuberatulyaḥ sa bhaved rājarājeśvaro mahān॥
siddhastotraṁ yadi paṭhet so’pi kalpatarurnaraḥ।
pañcalakṣajapenaiva stotrasiddhirbhavennṛṇām॥
siddhistotraṁ yadi paṭhenmāsamekaṁ ca saṁyataḥ।
mahāsukhī ca rājendraḥ bhaviṣyati na saṁśayaḥ॥

॥ iti śrī brahmavaivarta mahāpurāṇe indra kṛtaṁ lakṣmī stotraṁ sampūrṇam॥

लक्ष्मी स्तोत्र – इन्द्रकृत ब्रह्मवैवर्तमहापुराण (Lakshmi Stotram)