हिंदी ❈ English ❈ বাংলা (Bangla) ❈ ગુજરાતી (Gujarati) ❈ ಕನ್ನಡ (Kannada) ❈ ಕನ್ನಡ (Malayalam) ❈ ਪੰਜਾਬੀ (Punjabi)❈ తెలుగు (Telugu) ❈ தமிழ் (Tamil) ❈
मधुराष्टकम्
अधरं मधुरं वदनं मधुरं
नयनं मधुरं हसितं मधुरम् ।
हृदयं मधुरं गमनं मधुरं
मधुराधिपतेरखिलं मधुरम् ॥ 1 ॥
वचनं मधुरं चरितं मधुरं
वसनं मधुरं वलितं मधुरम् ।
चलितं मधुरं भ्रमितं मधुरं
मधुराधिपतेरखिलं मधुरम् ॥ 2 ॥
वेणु-र्मधुरो रेणु-र्मधुरः
पाणि-र्मधुरः पादौ मधुरौ ।
नृत्यं मधुरं सख्यं मधुरं
मधुराधिपतेरखिलं मधुरम् ॥ 3 ॥
गीतं मधुरं पीतं मधुरं
भुक्तं मधुरं सुप्तं मधुरम् ।
रूपं मधुरं तिलकं मधुरं
मधुराधिपतेरखिलं मधुरम् ॥ 4 ॥
करणं मधुरं तरणं मधुरं
हरणं मधुरं स्मरणं मधुरम् ।
वमितं मधुरं शमितं मधुरं
मधुराधिपतेरखिलं मधुरम् ॥ 5 ॥
गुंजा मधुरा माला मधुरा
यमुना मधुरा वीची मधुरा ।
सलिलं मधुरं कमलं मधुरं
मधुराधिपतेरखिलं मधुरम् ॥ 6 ॥
गोपी मधुरा लीला मधुरा
युक्तं मधुरं मुक्तं मधुरम् ।
दृष्टं मधुरं शिष्टं मधुरं
मधुराधिपतेरखिलं मधुरम् ॥ 7 ॥
गोपा मधुरा गावो मधुरा
यष्टि र्मधुरा सृष्टि र्मधुरा ।
दलितं मधुरं फलितं मधुरं
मधुराधिपतेरखिलं मधुरम् ॥ 8 ॥
॥ इति श्रीमद्वल्लभाचार्य विरचितं मधुराष्टकं संपूर्णम् ॥
शायद ये आपको पसंद आ सकते हैं::
మధురాష్టకం – Madhurashtakam: Adhram Madhuram in telugu
மது⁴ராஷ்டகம் – Madhurashtakam: Adhram Madhuram in tamil
ಮಧುರಾಷ್ಟಕಂ – Madhurashtakam: Adhram Madhuram in kannada
മധുരാഷ്ടകമ് – Madhurashtakam: Adhram Madhuram in malayalam
મધુરાષ્ટકમ્ – Madhurashtakam: Adhram Madhuram in gujarati
মধুরাষ্টকম্ – Madhurashtakam: Adhram Madhuram in bengali
ਮਧੁਰਾਸ਼੍ਟਕਮ੍ – Madhurashtakam: Adhram Madhuram in punjabi
Madhurashtakam: Adhram Madhuram in English