শ্রী বেংকটেশ মংগলাশাসনম্

শ্রিযঃ কাংতায কল্যাণনিধযে নিধযেঽর্থিনাম্ ।
শ্রীবেংকট নিবাসায শ্রীনিবাসায মংগলম্ ॥ 1 ॥

লক্ষ্মী সবিভ্রমালোক সুভ্রূ বিভ্রম চক্ষুষে ।
চক্ষুষে সর্বলোকানাং বেংকটেশায মংগলম্ ॥ 2 ॥

শ্রীবেংকটাদ্রি শৃংগাগ্র মংগলাভরণাংঘ্রযে ।
মংগলানাং নিবাসায শ্রীনিবাসায মংগলম্ ॥ 3 ॥

সর্বাবযব সৌংদর্য সংপদা সর্বচেতসাম্ ।
সদা সম্মোহনাযাস্তু বেংকটেশায মংগলম্ ॥ 4 ॥

নিত্যায নিরবদ্যায সত্যানংদ চিদাত্মনে ।
সর্বাংতরাত্মনে শ্রীমদ্-বেংকটেশায মংগলম্ ॥ 5 ॥

স্বত স্সর্ববিদে সর্ব শক্তযে সর্বশেষিণে ।
সুলভায সুশীলায বেংকটেশায মংগলম্ ॥ 6 ॥

পরস্মৈ ব্রহ্মণে পূর্ণকামায পরমাত্মনে ।
প্রযুংজে পরতত্ত্বায বেংকটেশায মংগলম্ ॥ 7 ॥

আকালতত্ত্ব মশ্রাংত মাত্মনা মনুপশ্যতাম্ ।
অতৃপ্ত্যমৃত রূপায বেংকটেশায মংগলম্ ॥ 8 ॥

প্রাযঃ স্বচরণৌ পুংসাং শরণ্যত্বেন পাণিনা ।
কৃপযাঽঽদিশতে শ্রীমদ্-বেংকটেশায মংগলম্ ॥ 9 ॥

দযাঽমৃত তরংগিণ্যা স্তরংগৈরিব শীতলৈঃ ।
অপাংগৈ স্সিংচতে বিশ্বং বেংকটেশায মংগলম্ ॥ 10 ॥

স্রগ্-ভূষাংবর হেতীনাং সুষমাঽঽবহমূর্তযে ।
সর্বার্তি শমনাযাস্তু বেংকটেশায মংগলম্ ॥ 11 ॥

শ্রীবৈকুংঠ বিরক্তায স্বামি পুষ্করিণীতটে ।
রমযা রমমাণায বেংকটেশায মংগলম্ ॥ 12 ॥

শ্রীমত্-সুংদরজা মাতৃমুনি মানসবাসিনে ।
সর্বলোক নিবাসায শ্রীনিবাসায মংগলম্ ॥ 13 ॥

মংগলা শাসনপরৈর্-মদাচার্য পুরোগমৈঃ ।
সর্বৈশ্চ পূর্বৈরাচার্যৈঃ সত্কৃতাযাস্তু মংগলম্ ॥ 14 ॥

শ্রী পদ্মাবতী সমেত শ্রী শ্রীনিবাস পরব্রহ্মণে নমঃ

শ্রী বেংকটেশ মংগলাশাসনম্ – Sri Venkatesha Mangalasasanam in bengali