- हिंदी / संस्कृत
- English
देव्यपराध क्षमापण स्तोत्रम् ( माँ दुर्गा के लिए भी )
श्री देव्यापराध क्षमापन स्तोत्रं ॥
न मन्त्रं नो यन्त्रं तदपि च न जाने स्तुतिमहो
न चाह्वानं ध्यानं तदपि च न जाने स्तुतिकथा: ।
न जाने मुद्रास्ते तदपि च न जाने विलपनं
परं जाने मातस्त्वदनुसरणं क्लेशहरणम् ॥ 1 ॥
विधेरज्ञानेन द्रविणविरहेणालसतया
विधेयाशक्यत्वात्तव चरणयोर्या च्युतिरभूत् ।
तदेतत्क्षन्तव्यं जननि सकलोद्धारिणि शिवे
कुपुत्रो जायेत क्वचिदपि कुमाता न भवति ॥ 2 ॥
पृथिव्यां पुत्रास्ते जननि बहव: सन्ति सरला:
परं तेषां मध्ये विरलतरलोSहं तव सुत: ।
मदीयोSयं त्याग: समुचितमिदं नो तव शिवे
कुपुत्रो जायेत क्वचिदपि कुमाता न भवति ॥ 3 ॥
जगन्मातर्मातस्तव चरणसेवा न रचिता
न वा दत्तं देवि द्रविणमपि भूयस्तव मया ।
तथापि त्वं स्नेहं मयि निरुपमं यत्प्रकुरुषे
कुपुत्रो जायेत क्वचिदपि कुमाता न भवति ॥ 4 ॥
परित्यक्ता देवा विविधविधिसेवाकुलतया
मया पंचाशीतेरधिकमपनीते तु वयसि ।
इदानीं चेन्मातस्तव यदि कृपा नापि भविता
निरालम्बो लम्बोदरजननि कं यामि शरणम् ॥ 5 ॥
श्वपाको जल्पाको भवति मधुपाकोपमगिरा
निरातंको रंको विहरति चिरं कोटिकनकै: ।
तवापर्णे कर्णे विशति मनुवर्णे फलमिदं
जन: को जानीते जननि जपनीयं जपविधौ ॥ 6 ॥
चिताभस्मालेपो गरलमशनं दिक्पटधरो
जटाधारी कण्ठे भुजगपतिहारी पशुपति: ।
कपाली भूतेशो भजति जगदीशैकपदवीं
भवानि त्वत्पाणिग्रहणपरिपाटीफलमिदम् ॥ 7 ॥
न मोक्षस्याकाड़्क्षा भवविभववाण्छापि च न मे
न विज्ञानापेक्षा शशिमुखि सुखेच्छापि न पुन: ।
अतस्त्वां संयाचे जननि जननं यातु मम वै
मृडानी रुद्राणी शिव शिव भवानीति जपत: ॥ 8 ॥
नाराधितासि विधिना विविधोपचारै:
किं रुक्षचिन्तनपरैर्न कृतं वचोभि: ।
श्यामे त्वमेव यदि किंचन मय्यनाथे
धत्से कृपामुचितमम्ब परं तवैव ॥ 9 ॥
आपत्सु मग्न: स्मरणं त्वदीयं
करोमि दुर्गे करुणार्णवेशि ।
नैतच्छठत्वं मम भावयेथा:
क्षुधातृषार्ता जननीं स्मरन्ति ॥ 10 ॥
जगदम्ब विचित्रमत्र किं
परिपूर्णा करुणास्ति चेन्मयि ।
अपराधपरम्परावृतं
न हि माता समुपेक्षते सुतम् ॥ 11 ॥
मत्सम: पातकी नास्ति
पापघ्नी त्वत्समा न हि ।
एवं ज्ञात्वा महादेवि
यथा योग्यं तथा कुरु ॥ 12 ॥
इति श्रीमच्छंकराचार्यकृतं देव्यपराधक्षमापनस्तोत्रम्।
Devyaparadha Kshamapana Stotram (for Maa Durga also)
Shri Devyaparadha Kshamapana Stotram:
Na mantram no yantram tadapi cha na jane stutimaho
Na cha avanam dhyanam tadapi cha na jane stutikatha:
Na jane mudraste tadapi cha na jane vilapanam
Param jane maatastvadanusarannam kleshaharanam
Vidherajnanaena dravinavirahenalasataya
Vidheyashakyatvat tava charanayorya chyutirabhut
Tadetat ksantavyam jananisakaloddharini shive
Kuputro jayet kvachidapi kumata na bhavati
Prithivyam putraste jananibahavah santi saralaa:
Param teshaam madhye viralataralosham tava sutah
Madiyo ayam tyagah samuchitamidam no tava shive
Kuputro jayet kvachidapi kumata na bhavati
Jaganmaatarmatastava charanaseva na rachita
Na va dattam devi dravinamapi bhuyastava maya
Tathaapi tvam sneham mayi nirupamam yatprakurushe
Kuputro jayet kvachidapi kumata na bhavati
Parityakta devaah vividhavidhisevaakulataya
Maya panchasheeteradhikamapanite tu vayasi
Idaaneem chenmaatastava yadi krupa naapi bhavita
Niraalambho lambodarajanani kam yaami sharanam
Shvapako jalpaako bhavati madhupaakopamagiraa
Niraatanko ranko viharati chirankotikanakaih
Tavaaparne karne vishati manuvarne phalamidam
Janah ko jaanete jananijapaniyam japavidhau
Chitaabhasmalepo garalamashanam dikpatadharo
Jataadhari kanthe bhujagapatihari pashupatih
Kapaalii bhootesho bhajati jagadishhaikapadavim
Bhavani tvatpaanigrahanaparipaatiphalamidam
Na mokshasyaakaadkshaa bhavavibhavavaanchhaapi cha na me
Na vijnanaapekshaa shashimukhi sukhechchaapi na punah
Atastvaam samyaache jananijananam yaatu mama vai
Mridaani rudraani shiva shiva bhavaniiti japatah
Naaraadhitasi vidhinaa vividhopachaaraih
Kim rukshachintanapairna kritam vachobhih
Shyaame tvameva yadi kinchan mayyanaathe
Dhatse kripaamuchitamamba param tavaiwa
Aapatsu magnah smaranam tvadeeyam
Karomi durge karunaarnaveshi
Naitacchathtvam mama bhavayetha:
Kshudhaatrishtaartaah jananee smaranti
Jagadamba vichitramatra kim
Paripoornaa karunaasti chenmayi
Aparadhaparamparaavritam
Na hi maataa samupekshate sutam
Matsamaha paatakii naasti
Paapaghni tvatsamaa na hi
Evam gnyaatvaa mahaadevi
Yathaa yogyam tathaa kuru
Iti shriimacchankaraachaaryakritam devyaparadha kshamapanastotram॥
शायद ये आपको पसंद आ सकते हैं::
देवी माहात्म्यं देवि कवचम् (Devi Mahatmyam Devi Kavacham)
कैला देवी चालीसा (Kaila Devi Chalisa)
कूष्मांडा देवी कवच (Kushmanda Devi Kavach)
विन्ध्येश्वरी आरती: सुन मेरी देवी पर्वतवासनी (Vindheswari arati: Sun Meri Devi Parvat Vasani lyrics)
श्री चिंतपूर्णी देवी की आरती (Mata Shri Chintpurni Devi Arati lyrics)
श्री शाकुम्भरी देवी जी की आरती (Shakumbhari Devi Ki Aarti lyrics: Hari Om Shree Shakumbhari Amba ji)
श्री शांतादुर्गेची आरती (Shri Shanta Durgechi Aarti: Jai Devi Jai Shante Janani lyrics)
दारिद्र्य दहन शिव स्तोत्रम् (Daridraya Dahana Shiv Stotram)