- हिंदी / संस्कृत
- English
श्री सुक्तम् (श्री लक्ष्मी सुक्तम् )
हरिः ॐ हिरण्यवर्णां हरिणीं सुवर्णरजतस्रजाम् ।
चन्द्रां हिरण्मयीं लक्ष्मीं जातवेदो म आवह ॥१॥
तां म आवह जातवेदो लक्ष्मीमनपगामिनीम् ।
यस्यां हिरण्यं विन्देयं गामश्वं पुरुषानहम् ॥२॥
अश्वपूर्वां रथमध्यां हस्तिनादप्रबोधिनीम् ।
श्रियं देवीमुपह्वये श्रीर्मा देवी जुषताम् ॥३॥
कां सोस्मितां हिरण्यप्राकारामार्द्रां ज्वलन्तीं तृप्तां तर्पयन्तीम् ।
पद्मे स्थितां पद्मवर्णां तामिहोपह्वये श्रियम् ॥४॥
चन्द्रां प्रभासां यशसा ज्वलन्तीं श्रियं लोके देवजुष्टामुदाराम् ।
तां पद्मिनीमीं शरणमहं प्रपद्येऽलक्ष्मीर्मे नश्यतां त्वां वृणे ॥५॥
आदित्यवर्णे तपसोऽधिजातो वनस्पतिस्तव वृक्षोऽथ बिल्वः ।
तस्य फलानि तपसानुदन्तु मायान्तरायाश्च बाह्या अलक्ष्मीः ॥६॥
उपैतु मां देवसखः कीर्तिश्च मणिना सह ।
प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे ॥७॥
क्षुत्पिपासामलां ज्येष्ठामलक्ष्मीं नाशयाम्यहम् ।
अभूतिमसमृद्धिं च सर्वां निर्णुद मे गृहात् ॥८॥
गन्धद्वारां दुराधर्षां नित्यपुष्टां करीषिणीम् ।
ईश्वरींग् सर्वभूतानां तामिहोपह्वये श्रियम् ॥९॥
मनसः काममाकूतिं वाचः सत्यमशीमहि ।
पशूनां रूपमन्नस्य मयि श्रीः श्रयतां यशः ॥१०॥
कर्दमेन प्रजाभूता मयि सम्भव कर्दम ।
श्रियं वासय मे कुले मातरं पद्ममालिनीम् ॥११॥
आपः सृजन्तु स्निग्धानि चिक्लीत वस मे गृहे ।
नि च देवीं मातरं श्रियं वासय मे कुले ॥१२॥
आर्द्रां पुष्करिणीं पुष्टिं पिङ्गलां पद्ममालिनीम् ।
चन्द्रां हिरण्मयीं लक्ष्मीं जातवेदो म आवह ॥१३॥
आर्द्रां यः करिणीं यष्टिं सुवर्णां हेममालिनीम् ।
सूर्यां हिरण्मयीं लक्ष्मीं जातवेदो म आवह ॥१४॥
तां म आवह जातवेदो लक्ष्मीमनपगामिनीम् ।
यस्यां हिरण्यं प्रभूतं गावो दास्योऽश्वान् विन्देयं पूरुषानहम् ॥१५॥
यः शुचिः प्रयतो भूत्वा जुहुयादाज्यमन्वहम् ।
सूक्तं पञ्चदशर्चं च श्रीकामः सततं जपेत् ॥१६॥
॥ फलश्रुति ॥
पद्मानने पद्म ऊरु पद्माक्षी पद्मासम्भवे ।
त्वं मां भजस्व पद्माक्षी येन सौख्यं लभाम्यहम् ॥१७॥
अश्वदायि गोदायि धनदायि महाधने ।
धनं मे जुषतां देवि सर्वकामांश्च देहि मे ॥१८॥
पुत्रपौत्र धनं धान्यं हस्त्यश्वादिगवे रथम् ।
प्रजानां भवसि माता आयुष्मन्तं करोतु माम् ॥१९॥
धनमग्निर्धनं वायुर्धनं सूर्यो धनं वसुः ।
धनमिन्द्रो बृहस्पतिर्वरुणं धनमश्नुते ॥२०॥
वैनतेय सोमं पिब सोमं पिबतु वृत्रहा ।
सोमं धनस्य सोमिनो मह्यं ददातु सोमिनः ॥२१॥
न क्रोधो न च मात्सर्य न लोभो नाशुभा मतिः ।
भवन्ति कृतपुण्यानां भक्तानां श्रीसूक्तं जपेत्सदा ॥२२॥
वर्षन्तु ते विभावरि दिवो अभ्रस्य विद्युतः ।
रोहन्तु सर्वबीजान्यव ब्रह्म द्विषो जहि ॥२३॥
पद्मप्रिये पद्मिनि पद्महस्ते पद्मालये पद्मदलायताक्षि ।
विश्वप्रिये विष्णु मनोऽनुकूले त्वत्पादपद्मं मयि सन्निधत्स्व ॥२४॥
या सा पद्मासनस्था विपुलकटितटी पद्मपत्रायताक्षी ।
गम्भीरा वर्तनाभिः स्तनभर नमिता शुभ्र वस्त्रोत्तरीया ॥२५॥
लक्ष्मीर्दिव्यैर्गजेन्द्रैर्मणिगणखचितैस्स्नापिता हेमकुम्भैः ।
नित्यं सा पद्महस्ता मम वसतु गृहे सर्वमाङ्गल्ययुक्ता ॥२६॥
लक्ष्मीं क्षीरसमुद्र राजतनयां श्रीरङ्गधामेश्वरीम् ।
दासीभूतसमस्त देव वनितां लोकैक दीपांकुराम् ॥२७॥
श्रीमन्मन्दकटाक्षलब्ध विभव ब्रह्मेन्द्रगङ्गाधराम् ।
त्वां त्रैलोक्य कुटुम्बिनीं सरसिजां वन्दे मुकुन्दप्रियाम् ॥२८॥
सिद्धलक्ष्मीर्मोक्षलक्ष्मीर्जयलक्ष्मीस्सरस्वती ।
श्रीलक्ष्मीर्वरलक्ष्मीश्च प्रसन्ना मम सर्वदा ॥२९॥
वरांकुशौ पाशमभीतिमुद्रां करैर्वहन्तीं कमलासनस्थाम् ।
बालार्क कोटि प्रतिभां त्रिणेत्रां भजेहमाद्यां जगदीस्वरीं त्वाम् ॥३०॥
सर्वमङ्गलमाङ्गल्ये शिवे सर्वार्थ साधिके ।
शरण्ये त्र्यम्बके देवि नारायणि नमोऽस्तु ते ॥
नारायणि नमोऽस्तु ते ॥ नारायणि नमोऽस्तु ते ॥३१॥
सरसिजनिलये सरोजहस्ते धवलतरांशुक गन्धमाल्यशोभे ।
भगवति हरिवल्लभे मनोज्ञे त्रिभुवनभूतिकरि प्रसीद मह्यम् ॥३२॥
विष्णुपत्नीं क्षमां देवीं माधवीं माधवप्रियाम् ।
विष्णोः प्रियसखीं देवीं नमाम्यच्युतवल्लभाम् ॥३३॥
महालक्ष्मी च विद्महे विष्णुपत्नी च धीमहि ।
तन्नो लक्ष्मीः प्रचोदयात् ॥३४॥
श्रीवर्चस्यमायुष्यमारोग्यमाविधात् पवमानं महियते ।
धनं धान्यं पशुं बहुपुत्रलाभं शतसंवत्सरं दीर्घमायुः ॥३५॥
ऋण रोगादि दारिद्र्य पापक्षुदपमृत्यवः ।
भय शोकमनस्तापा नश्यन्तु मम सर्वदा ॥३६॥
ॐ महादेव्यै च विद्महे विष्णुपत्नी च धीमहि ।
तन्नो लक्ष्मीः प्रचोदयात्
ॐ शान्तिः शान्तिः शान्तिः ॥३७॥
Sri Lakshmi Suktam in English
Hari Om Hiranyavarnam harinim suvarnarajatasrajaam |
Chandraam hiranmayim lakshmim jaatavedo ma aavaha ||1||
Taam ma aavaha jaatavedo lakshmimanapagaamineem |
Yasyaam hiranyam vindheyam gaamashvam purushaanaham ||2||
Ashwapoorvaam rathamadhyaam hastinaadaprabodhineem |
Shriyam devimupahvaye shriirmaa devi jushataam ||3||
Kaam sosmitam hiranyaprakaaraam aardraam jwalantim triptaam tarpayantee |
Padme sthitaam padmavarnaam taamihopahvaye shriyam ||4||
Chandraam prabhaasaam yashasaa jwalantim shriyam loke devajushtaamudaaraam |
Taam padmineem sharanamaham prapadye’lakshmirmey nashyataam twaam vruneye ||5||
Aadityavarnae tapaso’dhijato vanaspatistava vriksho’tha bilvah |
Tasya phalaani tapasaanudantu maayaantarayaashcha baahyaa alakshmeeh ||6||
Upaitu maam devasakhah keertishcha maninaa saha |
Praadurbhooto’smi raastre’smin keertimriddhim dadaatu me ||7||
Kshutpipaasaamalaam jyeshtaamalakshmim naashayaamyaham |
Abhootimasamriddhim cha sarvaam nirnuda me gruhaat ||8||
Gandhvaaraam duraadharshaam nityapushtaam kareeshineem |
Eeshwareem sarvabhootaanaam taamihopahvaye shriyam ||9||
Manasah kaamamaakootim vaachah satyamashimahi |
Pashunaam roopamannasya mayi shrih shrayataam yashah ||10||
Kardamena prajaabhootaa mayi sambhava kardama |
Shriyam vaasaya me kule maataram padmamaalineem ||11||
Aapah srijantu snigdhaani chikleet vasame gruhe |
Ni cha deveem maataram shriyam vaasaya me kule ||12||
Aardraam pushkarineem pushtim pingalaam padmamaalineem |
Chandraam hiranmayeem lakshmim jaatavedo ma aavaha ||13||
Aardraam yah karineem yashtim suvarnaam hemamaalineem |
Sooryaam hiranmayeem lakshmim jaatavedo ma aavaha ||14||
Taam ma aavaha jaatavedo lakshmimanapagaamineem |
Yasyaam hiranyam prabhootam gaavo daasyo’ashvaan vindeyam purushaanaham ||15||
Yah shuchih prayato bhuutvaa juhuyaadaajyamanvaham |
Sooktam panchadasharcham cha shriikaamah satatam japet ||16||
Phalashruti:
Padmaanane padma ooru padmaakshi padmasambhave |
Tvam maam bhajasva padmaakshi yena saukhyam labhaamyaham ||17||
Ashvadaayi godaayi dhanadaayi mahaadhane |
Dhanam me jushataam devi sarvakaamaamshcha dehi me ||18||
Putrapautra dhanam dhaanyam hastyashvaadigave ratham |
Prajaanaam bhavasi maataa aayushman tam karo tu maam ||19||
Dhanam agnirdhanam vaayur dhanam sooryo dhanam vasuh |
Dhanam indro brihaspatir varunam dhanam ashnute ||20||
Vainateya somam piba somam pibatu vritrahaa |
Somam dhanasya somino mahyam dadaatu sominah ||21||
Na krodho na cha maatsarya na lobho naashubhaa matih |
Bhavanti kritapunyanaam bhaktaanaam shriisooktam japet sadaa ||22||
Varshantu te vibhaavari divo abhrasya vidyutah |
Rohantu sarvabiijaan ya va brahma dviso jahi ||23||
Padmapriye padmini padmahaste padmaalaye padmadalaayataakshi |
Vishwapriye vishnu mano’nukoolye tvatpaadapadam mayi sannidhatsva ||24||
Yaa saa padmaasanasthaa vipulakatitatii padmapatraayataakshi |
Gambhiiraa vartanaabhih stanabhara namitaa shubhra vastrottariyaa ||25||
Lakshmirdvyairgendraitmaṇigaṇakhachitaisṣṇāpitā hemakumbhaiḥ |
Nityaṁ sā padmahastā mama vasatu gṛhe sarvamāṅgalyayuktā ||26||
Lakṣhmīṁ kṣīrasamudra rājatanayāṁ śrīraṅgadhāmeśvarīm |
Dāsībhūtasamasta deva vanitāṁ lokaiḳa dīpāṁkurām ||27||
Śrīmanmandakaṭākṣalabdha vibhava brahmendra gaṅgādharām |
Tvāṁ trailokya kuṭumbīnīṁ sarasijāṁ vande mukundapriyām ||28||
Siddhalakṣhmīr mokṣhalakṣhmīr jayalakṣhmīs sarasvatī |
Śrīlakṣhmīr varalakṣhmīśca prasannā mama sarvadā ||29||
Varāṁkuśau pāśamabhītimudrāṁ karairvahantīṁ kamalāsanasthām |
Bālārka koṭi pratibhāṁ triṇetrāṁ bhajehamādyāṁ jagadīsvarīṁ tvām ||30||
Sarvamaṅgalamāṅgalye śive sarvārtha sādhike |
Śaraṇye tryambake devi nārāyaṇi namo’stu te |
Nārāyaṇi namo’stu te || Nārāyaṇi namo’stu te ||31||
Sarasijanilaye sarojahaste dhavalatarāṁśuka gandhamālyashobhe |
Bhagavati harivallabhe manoḥjñe tribhuvanabhūtikari prasīda mahyam ||32||
Viṣṇupaṭnīṁ kṣamāṁ devīṁ mādhavīṁ mādhavapriyām |
Viṣṇoḥ priyasakhīṁ devīṁ namāmyachyutavallabhām ||33||
Mahālakṣhmī ca vidmahe viṣṇupaṭnī ca dhīmahi |
Tanno lakṣhmīḥ prachodayāt ||34||
Śrīvarcasyamāyuṣyamārogyamāvidhāt pavamānaṁ mahiyate |
Dhanaṁ dhānyaṁ paśuṁ bahuputralābhaṁ śatasamvatsaraṁ dīrghamāyuḥ ||35||
Ṛṇa roghādi dāridrya pāpakṣudapamṛtyavaḥ |
Bhaya śokamanastāpā naśyantu mama sarvadā ||36||
Oṁ mahādevyai ca vidmahe viṣṇupaṭnī ca dhīmahi |
Tanno lakṣhmīḥ prachodayāt
Oṁ śāntiḥ śāntiḥ śāntiḥ ||37||
शायद ये आपको पसंद आ सकते हैं::
श्री लक्ष्मी चालीसा (Shri Lakshmi Chalisa)
श्री अष्ट लक्ष्मी स्तोत्रम (Ashta Lakshmi Stothram)
श्री लक्ष्मी सहस्रनामावलिः (Lakshmi Sahasra Namavali)
श्री लक्ष्मी अष्टोत्तर शतनाम स्तोत्रम् (Shree Lakshmi Ashtottara Satanaama Stotram )
श्री लक्ष्मी अष्टोत्तर शत नामावलि (Shree Lakshmi Ashtottara Sat Naamaavali – 108 names )
लक्ष्मी स्तोत्र – इन्द्रकृत ब्रह्मवैवर्तमहापुराण (Lakshmi Stotram)
लक्ष्मी नृसिंह करावलंब स्तोत्रम् – Lakshmi Narsimha Karavalambam Stotram
श्री लक्ष्मी नारायण स्तोत्रम् (Shri Laxmi Narayan Stotram)